ജീവകാരുണ്യ പ്രവർത്തകൻ ടി.പി.അബ്ബാസ് ഹാജിയെ ദുബായ് മുട്ടം മുസ്ലിം ജമാ അത്ത് ആദരിച്ചു

ദുബായ് : സ്വന്തം ജീവിതം ജീവകാരുണ്യ പ്രവർത്തനങ്ങൾക്ക് വേണ്ടി നീക്കിവെച്ച ടി.പി.അബ്ബാസ് ഹാജിയെ സ്വന്തം നാട്ടുകാരും ദുബായ് മുട്ടം മുസ്ലിം ജമാഅത്ത് കമ്മിറ്റിയും ചേർന്ന് ദുബായിൽ ആദരിച്ചു.47 വർഷമായി പ്രവാസിയായി ജീവിക്കുന്ന അബ്ബാസ്ഹാജി
നാട്ടിലും പ്രവാസ ലോകത്തും ജീവകാരുണ്യ രംഗത്ത് സജീവമാണ്.ദുബായ് മുട്ടം മുസ്ലിം ജമാഅത്ത് കമ്മിറ്റി സംഘടിപ്പിച്ച ആദരിക്കൽ ചടങ്ങ് സൗദ്യ അറേബ്യയിലെ സാമുഹ്യ പ്രവർത്തകനും, കെ.എം.സി.സി.നേതാവുമായ എസ്.എൽ.പി.മുഹമ്മദ് കുഞ്ഞി ഉൽഘാടനം ചെയ്തു.യോഗ അദ്ധ്യക്ഷൻ,ജമാഅത്ത് പ്രസിഡണ്ട് പുന്നക്കൻ മുഹമ്മദലി പൊന്നാട അണിയിച്ചു അബ്ബാസ് ഹാജിയെ ആദരിച്ചു.ജമാ അത്ത് ജനറൽ സെക്രട്ടറി എം.ഇബ്രാഹിം സ്വാഗതവും, സെക്രട്ടറി നജാദ് ബീരാൻ നന്ദിയും പറഞ്ഞു.