മനാമ : ബഹ്‌റൈൻ – കേരള നേറ്റീവ് ബോൾ ഫെഡറേഷന്റെ നേതൃത്വത്തിൽ സിഞ്ച് മൈതാനിയിൽ വെള്ളിയാഴ്ച്ച നടന്ന സെമി ഫൈനൽ മത്സരത്തിന്റെ ഉത്ഘാടന കർമ്മം BKNBF പ്രസിഡണ്ട്‌ ശ്രീ. റെജി കുരുവിളയുടെ അധ്യക്ഷതയിൽ കൂടിയ മീറ്റിങ്ങിൽ കേരള സോഷ്യൽ ആൻഡ് കൾച്ചറൽ അസോസി യേഷൻ പ്രസിഡന്റ് ശ്രീ സന്തോഷ് കുമാർ ഔപചരികമായി ഉത്ഘാടനം ചെയ്തു. ഫെഡറേഷൻ സെക്രട്ടറി സാജൻ തോമസ്, വൈസ് പ്രസിഡന്റ് റോബിൻ എബ്രഹാം, ശ്രീരാജ് സി. പി, നിബു കുര്യൻ, സാം, ജോജി ഈശോ, ബിനു കോട്ടയിൽ എന്നിവർ ടൂർണമെന്റിന് നേതൃത്വം നൽകി അത്യന്തം ആവേശകരമായ മത്സരത്തിൽ ചിങ്ങവനം ടീമിനെ ഏഴ് എണ്ണത്തിന് പരാജയപ്പെടുത്തി മണർകാട് ടീം ഫൈനലിൽ പ്രവേശിച്ചു. നിരവധി കായിക പ്രേമികളുടെ സാന്നിധ്യം ടൂർണമെന്റിന് ആവേശമേകി. അടുത്ത വെള്ളിയാഴ്ച്ച ഉച്ചകഴിഞ്ഞ് 2.00 മണിക്ക് നടക്കുന്ന ഫൈനൽ മത്സരത്തിൽ മണർകാട് ടീമിനെ പുതുപ്പള്ളി ടീം നേരിടും.
ബഹ്‌റൈൻ – കേരള നേറ്റീവ് ബോൾ ഫെഡറേഷൻ ടൂർണമെന്റിൽ മണർകാട് ടീം ഫൈനലിൽ
