കുവൈറ്റ് സിറ്റി:കുവൈറ്റ് ഇന്ത്യൻ സമൂഹത്തിലെ പ്രമുഖ വ്യക്തിത്വവും, ഇന്ത്യൻ ബിസിനസ് ആന്റ് പ്രൊഫഷണൽ കൗൺസിൽ (IBPC) ചെയർമാനുമായിരുന്ന ആനന്ദ് കപാഡിയ 75 വയസ്സ് അന്തരിച്ചു.കാനഡയിലെ ടൊറന്റോയിൽ വെച്ചായിരുന്നു അന്ത്യം .കുവൈറ്റിലെ കോർപ്പറേറ്റ് ലോകത്തെ വലിയ വ്യക്തിത്വവും കുവൈത്തിലെ ഇന്ത്യൻ സംഗീതത്തിന്റെ കിരീടം വെക്കാത്ത വ്യക്തിത്വവുമായ അനന്ത് കപാഡിയ ഇൻഡോ-കുവൈത്ത് ബന്ധത്തിൽ നിർണായക പങ്ക് വഹിച്ചിരുന്നു . കഴിഞ്ഞ ഫെബ്രുവരിയിൽ നാൽപ്പത്തിയഞ്ച് വർഷത്തെ കുവൈറ്റ് പ്രവാസം മതിയാക്കി നാട്ടിലേക്കു മടങ്ങിയിരുന്നു. കുവൈറ്റിലെ തന്റെ പ്രവാസത്തിനിടയിൽ, കുവൈറ്റിൽ ഇന്ത്യയെ സാംസ്കാരികമായും ബിസിനസ്സ് രംഗത്തും പ്രോത്സാഹിപ്പിക്കുന്നതിന് അദ്ദേഹം നിർണായകമായ സംഭാവനകൾ നൽകിയിരുന്നു.ഇതിഹാസ താരം ലതാ മങ്കേഷ്‌കർ, പിടി രവിശങ്കർ, ഉസ്താദ് അല്ലാ രഖ, പണ്ഡിറ്റ് ഹരി പ്രസാദ് ചൗരസ്യ, പണ്ഡിറ്റ് ശിവകുമാർ ശർമ്മ, ഉസ്താദ് സക്കീർ ഹുസൈൻ, ഉസ്താദ് ഷുജത് ഖാൻ, ഉസ്താദ് അംജദ് അലി ഖാൻ തുടങ്ങിയവരെ ഉൾപ്പെടുത്തി കുവൈറ്റിൽ നിരവധി ഇന്ത്യൻ പരിപാടികൾ അദ്ദേഹം സംഘടിപ്പിച്ചിട്ടുണ്ട്.
കുവൈറ്റ് ഇന്ത്യൻ സമൂഹത്തിലെ പ്രമുഖ വ്യക്തിത്വം ആനന്ദ് കപാഡിയ അന്തരിച്ചു.
