ഷാർജാ കേന്ദ്രമാക്കി എക്സ്പാട്രിയേറ്റ്സ് ഇന്ത്യൻ കൾച്ചറൽ കോൺഗ്രസ്സ് (ElCC) എന്ന പേരിൽ കോൺഗ്രസ്സ് അനുഭാവികളുടെ സ്നേഹകൂട്ടായ്മ രൂപീകരിച്ചു

ഷാർജ: ഷാർജ കേന്ദ്രമാക്കി കോൺഗ്രസ് അനുഭാവികൾ എക്സ്പ്രാടിയേറ്റ് ഇന്ത്യൻ കൾച്ചറൽ കോൺഗ്രസ്സ് എന്ന സ്നേഹ കൂട്ടായ്മക്ക് രൂപം നൽകി. അഡ്വ: ജോൺ മത്തായി (ചെയർമാൻ) എബ്രഹാം ചാക്കോ (പ്രസിഡണ്ട്), ഷാനിഫ് സലാം (ജനറൽ സെക്രട്ടറി),ശ്രീജിത്ത് കീക്കരോത്ത് (ട്രഷറർ), ബിജി തോമസ് (വർക്കിംഗ് പ്രസിഡണ്ട്), സാം വർഗ്ഗീസ്സ്, സാംസൺ സന്തോഷ് (വൈസ് പ്രസിഡണ്ടുമാർ) യോഹന്നാൻ ജോർജ് ( സെക്രട്ടറി), തോമസ് മാത്യു, അലക്സാണ്ടർ അച്ചൻകുഞ്ഞ്, ജോബിൻ വി. തോമസ്, സാംസൺ പി. സാം, സാം സഖറിയ (എക്സിക്യൂട്ടിവ് കമ്മറ്റി അംഗങ്ങൾ) എന്നിവരെ ഭാരവാഹികളായി തെരെഞ്ഞടുത്തു. യോഗത്തിൽ അഡ്വ: ജോൺ മത്തായി അദ്ധ്യക്ഷത വഹിച്ചു. എബ്രഹാം ചാക്കോ സ്വാഗതവും ഷാനിഫ് സലാം നന്ദിയും പറഞ്ഞു. കൂട്ടായ്മയിലെ അംഗങ്ങൾക്കും കുടുംബാംഗങ്ങൾക്കുമായി വിവിധ വിനോദ/ വിജ്ഞാന പരിപാടികൾ നടത്തുവാനും യോഗം തീരുമാനിച്ചു.സംഘടനയുടെ എബ്ളം രക്ഷാധികാരി പ്രസിഡണ്ടിന് നൽകി കൊണ്ട് യോഗത്തിൽ വെച്ച് പ്രകാശനം ചെയ്തു.