ന്യൂഡല്‍ഹി: കാർഷിക നിയമങ്ങൾ നേരത്തെ പിൻവലിക്കാമായിരുന്നുവെന്ന് ബിജെപി എംപി വരുൺ ഗാന്ധി. പിൻവലിക്കാനുള്ള തീരുമാനം നേരത്തെ എടുത്തിരുന്നുവെങ്കില്‍ നിരപരാധികളായ 700ലധികം കര്‍ഷകരുടെ ജീവന്‍ രക്ഷിക്കാമായിരുന്നുവെന്ന് വരുൺ ഗാന്ധി പ്രതികരിച്ചു.സമരത്തിനിടെ ജീവന്‍ നഷ്ടപ്പെട്ട കര്‍ഷകരുടെ കുടുംബത്തിന് ഒരു കോടി രൂപ വീതം നഷ്ടപരിഹാരം നല്‍കണമെന്നും വരുണ്‍ പ്രധാനമന്ത്രിക്ക് അയച്ച കത്തില്‍ ആവശ്യപ്പെട്ടു. രാഷ്ട്രീയപ്രേരിതമായി സമരക്കാർക്കെതിരെ എടുത്ത കേസുകളും പിൻവലിക്കണം. മിനിമം താങ്ങുവില ഉറപ്പാക്കണമെന്ന ആവശ്യവും വരുണ്‍ ഗാന്ധി കത്തില്‍ ഉന്നയിച്ചിട്ടുണ്ട്. ലഖിംപുരിലെ കർഷകരുടെ മരണത്തിൽ കുറ്റാരോപിതനായ കേന്ദ്രമന്ത്രിക്കെതിരെ നടപടി എടുക്കുണമെന്നും വരുൺ ഗാന്ധി ആവശ്യപ്പെട്ടു.കർഷക താൽപര്യത്തിന് വിരുദ്ധമായ കാര്‍ഷിക നിയമങ്ങള്‍ പിന്‍വലിക്കാൻ തീരുമാനിച്ചതിൽ പ്രധാനമന്ത്രിക്ക് നന്ദി പറയുന്നുവെന്ന് അറിയിച്ചുകൊണ്ടാണ് വരുണ്‍ ഗാന്ധിയുടെ കത്ത് ആരംഭിക്കുന്നത്. ‘ഈ പോരാട്ടത്തില്‍ 700 കര്‍ഷക സഹോദരങ്ങള്‍ക്ക് ജീവന്‍ നഷ്ടമായിട്ടുണ്ട്. അങ്ങേയറ്റം പ്രയാസകരവും പ്രതികൂലവുമായ സാഹചര്യങ്ങളില്‍ അവര്‍ സമാധാനപരമായി പ്രതിഷേധിച്ചു. ഈ തീരുമാനം നേരത്തെ എടുത്തിരുന്നെങ്കില്‍ നിരപരാധികളുടെ ജീവന്‍ നഷ്ടപ്പെടില്ലാ യിരുന്നുവെന്ന് വിശ്വസിക്കുന്നു. കര്‍ഷകരുടെ നിര്യാണത്തില്‍ അനുശോചിക്കണം. അവരുടെ കുടുംബത്തിന് ഒരു കോടി രൂപ നഷ്ടപരിഹാരം നല്‍കണം’ വരുണ്‍ ഗാന്ധി”.കേന്ദ്രസർക്കാർ കാർഷിക നിയമങ്ങൾ ഇറക്കിയതിന് ശേഷം ഒരു വർഷത്തോളമായി കർഷകർ സമരത്തി
ലാണ്. പല തവണ കേന്ദ്രമന്ത്രി നരേന്ദ്ര സിംഗ് തോമറുമായി കർഷക സംഘടന ചർച്ച നടത്തിയെങ്കിലും ഫലമുണ്ടായില്ല. തുടർന്നാണ് കാർഷിക നിയമങ്ങൾ പിൻവലിക്കാൻ കേന്ദ്രം തയാറായത്.
കര്‍ഷകരുടെ കുടുംബത്തിന് നഷ്ടപരിഹാരം നല്‍കണം, പ്രധാനമന്ത്രിക്ക് കത്തയച്ച് വരുണ്‍ഗാന്ധി
