കുവൈറ്റ് സിറ്റി:അബ്ബാസിയ ടി സി ആർ ഗ്രൗണ്ടിൽ രാവിലെ 9.00 മണി മുതൽ ഏഴു ടീമുകളായി മാറ്റുരച്ച ആവേശഭരിതമായ കളിയിൽ അബ്ബാസിയ ബി ചാമ്പ്യന്മാരും, അബ്ബാസിയ എ റണ്ണർ അപ്പ് ആവുകയും ചെയ്തു. ടൂർണ്ണമെന്റിൽ മാൻ ഓഫ് ദ മാച്ച്, മാൻ ഓഫ് ദ സീരീസ്, ബെസ്റ്റ് ബാറ്റ്സ്മാൻ ട്രോഫികൾ ശ്രീ.ഷെഫീഖ്, ബെസ്റ്റ് ബൗളർ ട്രോഫി ശ്രീ.ക്ലിന്റോ, ബെസ്റ്റ് വിക്കറ്റ് കീപ്പർ ട്രോഫി ശ്രീ. ഷമീർ സത്താർ എന്നിവർ കരസ്ഥമാക്കി.ചാമ്പ്യന്മാർക്ക്‌ ഉള്ള ട്രോഫി ട്രാസ്ക് പ്രസിഡന്റ് ശ്രീ. അജയകുമാർ & സ്പോൺസർ ശ്രീ. സെബാസ്റ്റ്യൻ വാതുക്കാടൻ, റണ്ണർ ആപ്പ് ട്രോഫി ജനറൽ സെക്രട്ടറി ശ്രീ. ജോയ് തോലത്ത്, മറ്റ് ട്രോഫികൾ സ്പോർട്സ് കൺവീനർ ശ്രീ.അലി ഹംസ, ട്രഷറർ ശ്രീ. ജാക്സൻ ജോസ്,വൈസ് പ്രസിഡന്റ് ശ്രീ. ആന്റോ പാണേങ്ങാടാൻ, അബാസിയ എ ഏരിയ കൺവീനർ ശ്രീ. സിജോ സണ്ണി, അബ്ബാസിയ ബി ഏരിയ കൺവീനർ ശ്രീ. സനു പോൾ, സിറ്റി ഏരിയ കൺവീനർ ശ്രീ. ഷാനവാസ്, സാൽമിയ ഏരിയ കൺവീനർ ശ്രീ. സിജു എം എൽ എന്നിവർ നൽകി.
തൃശ്ശൂർ അസ്സോസിയേഷൻ ഓഫ് കുവൈറ്റ് (ട്രാസ്ക്) അംഗങ്ങൾക്കായി ക്രിക്കറ്റ് ടൂർണ്ണമെന്റ് സംഘടിപ്പിച്ചു.
