കുവൈറ്റ് സിറ്റി:ഫ്രണ്ട്‌സ് ഓഫ് കണ്ണൂർ കുവൈറ്റ് എക്‌സ്‌പാക്ട്സ് അസ്സോസ്സിയേഷൻ (ഫോക്ക്) പതിനാറാമത് വാർഷികാഘോഷം കണ്ണൂർ മഹോത്സവമായി 2021 നവംബർ 5 നു അബ്ബാസിയയിൽ വച്ച് ഓൺലൈനായി വൈകുന്നേരം 5 മണിമുതൽ നടത്തുകയാണ്. കോവിഡ് തീർത്ത പ്രതിസന്ധിയെ അതിജീവി ക്കുന്നതിനൊപ്പം കൊവിഡാനന്തര കാലത്തെ ഫോക്കിന്റെ പ്രവർത്തങ്ങൾക്ക് ഊർജ്ജദായകമാകുന്ന രീതിയിലാണ് വാർഷികത്തിൽ പരിപാടികൾ വിഭാവനം ചെയ്തിരിക്കുന്നത്. കോവിഡ് കാലത്തു കുവൈറ്റിലെ ഇന്ത്യൻ പ്രവാസി സമൂഹ ത്തിനോടൊപ്പം നിന്ന് പ്രവർത്തിച്ച ബഹുമാനപെട്ട ഇന്ത്യൻ അംബാസിഡർ ശ്രീ സിബി ജോർജ് പതിനാറാമത് വാർഷികാഘോഷം ഉദ്ഘാടനം ചെയ്യുന്നു, സാംസ്കാരിക പരിപാടിയോടൊപ്പം കോവിഡ് കാലത്തെ ഫോക്കിന്റെ ചാരിറ്റി പ്രവർത്തനങ്ങൾക്കും ബ്ലഡ് ഡോനെഷൻ ക്യാമ്പുമായും സഹകരിച്ചു പ്രവർത്തിച്ച ആരോഗ്യ പ്രവത്തകർക്കും ,മലയാളഭാഷ പഠനവുമായി ബന്ധപ്പെട്ട അധ്യാപകർക്കുമുള്ള ആദരവും ഉപരിപഠനത്തിനർഹരായ കുട്ടികൾക്കുള്ള മെറിറ്റോറിയസ് അവാർഡും നൽകുന്നു. സരിഗമപ ഫെയിം പിന്നണി ഗായിക കീർത്തന എസ് കെ, ഫ്‌ളവേഴ്‌സ് ടി വി ഫെയിം ആക്ടറും ഗായകനുമായ നൗഫൽ റഹ്മാൻ ,പ്രശസ്ത നടൻ പാട്ടുകലാകാരൻ രഞ്ജിത്ത് ചാലക്കുടി ,കൈരളി ടി വി ഗന്ധർവസംഗീതം ഫെയിം പിന്നണിഗായകൻ വിപിൻ നാഥ് ,നടിയും അവതാരകയുമായ ഗീതിക കൂടാതെ മിമിക്രി കലാകാരന്മാരും അണിനിരക്കുന്ന മ്യൂസിക്കൽ മെഗാ ഷോയും പരിപാടിക്ക് മാറ്റുകൂട്ടാൻ ഉണ്ടാകും.വാർഷികത്തോടനുബന്ധിച്ചു കഴിഞ്ഞ പതിമൂന്നു വർഷങ്ങളായികലാ, കായിക, സാംസ്കാരിക, കാർഷിക, ആരോഗ്യ, സന്നദ്ധ പ്രവർത്തന രംഗത്ത് സമഗ്ര/മികച്ച സംഭാവന ചെയ്ത ജില്ലയിലെ മഹദ് വ്യക്തികൾ/ സംഘടനകൾ, സ്ഥാപനങ്ങൾ എന്നിവർക്ക് നൽകി വരുന്ന 14-ാമത് ‘ഗോൾഡൻ ഫോക്ക്’പുരസ്കാരം പത്മശ്രീ കൈതപ്രം ദാമോദരൻ നമ്പൂതിരിക്കു നവംബർ അവസാനവാരം കണ്ണൂരിൽ നടക്കുന്ന ചടങ്ങിൽ സമ്മാനിക്കും. 25,000 രൂപയും ശില്പവും പ്രശസ്തി പത്രവുമാണ് പുരസ്കാരം. നവംബർ അവസാനവാരം കണ്ണൂരിൽ നടക്കുന്ന ചടങ്ങിൽ പുരസ്കാരം വിതരണം ചെയ്യും. ശ്രീ.കെ.കെ.ആർ.വെങ്ങര,ശ്രീ.ചന്ദ്രമോഹൻ കണ്ണൂർ, ശ്രീ.ദിനകരൻ കൊമ്പിലാത്ത് എന്നിവരടങ്ങിയ ജൂറി അംഗങ്ങളാണ് ജേതാവിനെ തിരഞ്ഞെടുത്തത്. ശ്രീ. രമേശ് വി വി, ശ്രീ. സാബു നമ്പ്യാർ, ശ്രീ. ഗിരിമന്ദിരം ശശികുമാർ എന്നിവരാണ് കുവൈറ്റിലെ അവാർഡ് പ്രവർത്തങ്ങൾ ഏകോപിപ്പിച്ചവർ. ഫർവാനിയ ബദർ അൽ സമ കോൺഫറൻസ് ഹാളിൽ ചേർന്ന പത്രസമ്മേളനത്തിൽ ഫോക്ക് പ്രസിഡന്റ് സലിം എം ൻ, ജനറൽ സെക്രട്ടറി ലിജീഷ് പറയത്, ട്രഷറർ മഹേഷ് കുമാർ, വനിതാവേദി ട്രെഷറർ ശ്രീമതി ശ്രീഷ ദയാനന്ദൻ, പ്രോഗ്രാം കമ്മിറ്റി കൺവീനർ സാബു നമ്പ്യാർ, ജോയിന്റ് കൺവീനർ രജിത് കെ സി, ആർട്സ് സെക്രട്ടറി രാഹുൽ ഗൗതമൻ, മീഡിയ കൺവീനർ ഉമേഷ് കീഴറ , ഫോക്ക് ഭാരവാഹികൾ, പ്രോഗ്രാം കമ്മിറ്റി അംഗങ്ങൾ എന്നിവർ പങ്കെടുത്തു
ഫോക്ക് കുവൈറ്റ് പതിനാറാമത് വാർഷികാഘോഷം “കണ്ണൂർ മഹോത്സവം 2021 “ നവംബർ 5 ന്
