കെ.ജെ പി എ സ്സ് കുവൈറ്റ് സൗഹൃദ സംഗമം സംഘടിപ്പിച്ചു.

കുവൈറ്റ് സിറ്റി: -കൊല്ലം ജില്ലാ നിവാസികളുടെ കുവൈറ്റിലെ കൂട്ടായ്മയായ കൊല്ലം ജില്ലാ പ്രവാസി സമാജം കുവൈറ്റ് കോവിഡ് ഭീതിയുടെ ദീർഘ നാളത്തെ ഇടവേളക്ക് ശേഷം അംഗങ്ങൾക്ക് ഒത്തുചേരാനും സൗഹൃദം പുതുക്കാനും വേദിയൊരുക്കിയ ” സൗഹൃദ സംഗമം 22 ” വഫ്ര ഫാം റിസോർട്ടിൽ മാർച്ചു 17-18 തീയതികളിൽ ബദർ അൽ സമാ മെഡിക്കൽ സെന്റെറിന്റെ സഹകരണത്തിൽ സംഘടിപ്പിക്കപ്പെട്ടു. പ്രസിഡന്റ് സലിം രാജിന്റെ അദ്ധ്യക്ഷതയിൽ ചേർന്ന യോഗത്തിൽ ഗ്രാൻഡ് ഹൈപ്പർ മാർക്കറ്റ് പ്രതിനിധി താരിഖ് അൻവർ ഉത്ഘാടനം ചെയ്തു ജനറൽ സെക്രട്ടറി അലക്സ് മാത്യു സ്വാഗതം ആശംസിച്ചു. ട്രഷറർ തമ്പി ലൂക്കോസ്, സെക്രട്ടറി ജയൻ സദാശിവൻ എന്നിവർ ആശംസകളർപ്പിച്ചു പ്രോഗ്രാം ജനറൽ കൺവീനർ അബ്ദുൽ വാഹിദ് നന്ദി പറഞ്ഞു. സമാജത്തിന്റെ പത്തു യൂണിറ്റ് കളിൽ നിന്നുള്ള അംഗങ്ങളും സുഹൃത്തുക്കളും വിവിധ കലാകായിക മത്സരങ്ങളിൽ പങ്കെടുത്തു. ബിജു തിക്കൊടി , ഷാജി സാമുവൽ , ലിജു അച്ചുതൻ , ദേവിക വിജികുമാർ , വിനായക് വർമ്മ, ഉഷാകുമാരി , സനീഷ്, സലീൽ വർമ്മ എന്നിവരുടെ നേതൃത്വത്തിൽ നടന്ന ഗാനസന്ധ്യ പരിപാടികൾക്ക് മിഴിവേകി. ബൈജൂ മിഥുനം, സംഗീത് . ബിനിൽ റ്റി ഡി. പ്രമീൾ പ്രഭാകരൻ, ഡോ.സുബു തോമസ്, വർഗ്ഗീസ് വൈദ്യൻ, റെജി മത്തായി, സന്തോഷ് ,സിബി ജോസഫ് , രൻജനാ ബിനിൽ ,രാജിമോൾ , ലാജി എബ്രഹാം, സജീവ് കുമാർ എന്നിവർ പരിപാടികൾക്ക് നേതൃത്വം നൽകി