കൊല്ലം ജില്ലാ പ്രവാസി സമാജം കുവൈറ്റ് , സൗഹൃദ സംഗമം സംഘടിപ്പിക്കുന്നു

കുവൈറ്റ് സിറ്റി:കൊല്ലം ജില്ലയിൽ നിന്നും കുവൈറ്റിൽ അധിവസിക്കുന്നവരുടെ കൂട്ടായ്മയായ കൊല്ലം ജില്ലാ പ്രവാസി സമാജം കുവൈറ്റ് മാർച്ച് 17-18 തീയതികളിൽ വഫ്രാ ഫാം ഹൗസിൽ സൗഹൃദ സംഗമം സംഘടിപ്പിക്കുന്നു. ദീർഘ നാളത്തെ മഹാമാരിയുടെ ഭീതിയിൽ നിന്നും സാധാരണ ജീവിതത്തിലേക്ക് സമൂഹം മാറുമ്പോൾ നാട്ടുകാർക്ക് സുഹൃത്തുക്കളുമായി ഒത്തുചേരാൻ വേദിയൊരുക്കുന്ന “കെ.ജെ.പി.എസ് സൗഹൃദ സംഗമം 22” പ്രോഗ്രാമിന്റെ പോസ്റ്റർ പ്രകാശനം ബദർ അൽ സമാ മെഡിക്കൽ സെന്റെർ മാനേജർ അബ്ദുൽ റസാഖ് പ്രോഗ്രാം കൺവീനർ അബ്ദുൽ വാഹിദിന് നൽകി പ്രകാശനം ചെയ്തു. പ്രസിസന്റ് സലിം രാജിന്റെ അദ്ധ്യക്ഷതയിൽ ചേർന്ന യോഗത്തിൽ സെക്രട്ടറിമാരായ പ്രമീൾ പ്രഭാകരൻ, വർഗ്ഗീസ് വൈദ്യൻ. ട്രഷറർ തമ്പി ലൂക്കോസ്, സബ്ബ് കമ്മറ്റി കൺവീനർമാരായ സിബി ജോസഫ് , സംഗീത് ,ബദർ അൽ സമാ പ്രതിനിധികളായ രഹജൻ , അബ്ദുൽ ഖാദർ . പ്രീമ മരിറ്റ. എന്നിവർ പങ്കെടുത്തു. കൂടുതൽ വിവരങ്ങൾക്ക്
66504992/97840957/66461684/66409969/ 66109885 എന്നീ നമ്പരുകളിൽ ബന്ധപ്പെടാവുന്നതാണെന്ന് ഭാരവാഹികൾ അറിയിച്ചു.