ഓവർസീസ് എൻ സിപി  പുതുവത്സര ദിന കിറ്റുകൾ വിതരണം ചെയ്തു

കുവൈറ്റ് സിറ്റി:ഓവർസീസ് എൻ സി പി കുവൈറ്റ്കമ്മിറ്റി, കോവിഡ് 19 സുരക്ഷാ മുൻകരുതലുകൾ പാലിച്ചുകൊണ്ട് സംഘടനയുടെ സാമൂഹിക സേവനദിനാചരണത്തിന്റെ ഭാഗമായി പുതുവത്സര ദിനത്തോടനുബന്ധിച്ച് വഫ്ര കാർഷിക മേഖലയിലെ – ഇന്ത്യ, ബംഗ്ലാദേശ് സ്വദേശികളായ സാധാരണക്കാരായ തൊഴിലാളി കൾക്കായി ഭക്ഷണവും, പുതുവത്സര സമ്മാ നവും ഉൾപ്പടെയുള്ള കിറ്റുകൾ വിതരണം ചെയ്തു. കുവൈറ്റ് സ്വദേശി പ്രമുഖനും ഫാം ഉടമയുമായ ഖാലിദ് സാദ് താഹിർ അൽദമാക്ക്
മുഖ്യാതിഥിയായി പങ്കെടുത്ത പരിപാടി
എൻ സി പി ഓവർസീസ് സെൽ ദേശീയ അധ്യക്ഷൻ ബാബു ഫ്രാൻസീസ് ഉദ്ഘാടനം നിർവ്വഹിച്ചു.ഒ എൻ സി പി  കുവൈറ്റ് പ്രസിഡണ്ട്ജീവ്സ്  എരിഞ്ചേരി സ്വാഗതം പറഞ്ഞു. ട്രഷറർ രവീന്ദ്രൻ ഭാരവാഹികളായ സണ്ണി മിറാൻഡ,  ശ്രീ ബിൻ, മാത്യു ജോൺ,  രവി മണ്ണായത്ത് ,ബിജുമോൻ ബാനു എന്നിവർ പരിപാടികൾക്ക് നേതൃത്വം നൽകി. ഗൾഫ് ഇന്ത്യൻ സോഷ്യൽ സർവീസ് പ്രസിഡണ്ട് അശോകൻ തിരുവനന്തപുരം,ഗൾഫ് ഇന്ത്യൻ സോഷ്യൽ സർവീസ് ചെയർമാൻ ഹമീദ്പാലേരി,അബ്ദുൽ അസീസ് കാലിക്കറ്റ് എന്നിവർ ആശംസകളറിയിച്ച് സംസാരിച്ചു. പരിപാടിയുടെ പ്രായോജകരായ ഇംപീരിയൽ ഹോട്ട് & ബേക്കേഴ്സിനും,കോസ്റ്റ പ്രിൻറിംഗ് പ്രസ്സിനും, പരിപാടി വിജയിപ്പിക്കാൻ സഹായിച്ച വർക്കും ജനറൽ സെക്രട്ടറി അരുൾ രാജ് നന്ദി പറഞ്ഞു.