കുവൈറ്റ് സിറ്റി:ഫ്രണ്ട്‌സ് ഓഫ് കണ്ണൂർ എക്സ്പാറ്റ്‌സ് അസോസിയേഷൻ
(ഫോക്ക്) ഫാഹഹീൽ സോണിന്റെ ആഭിമുഖ്യത്തിൽ e - ഓണം പൊന്നോണം 2021, ഓണാഘോഷ പരിപാടി സംഘടിപ്പിച്ചു. പ്രശസ്ത സിനിമതാരം സന്തോഷ്‌ കീഴാറ്റൂർ മുഖ്യതിഥിയായി എത്തിയ പരിപാടി ഫോക്ക് പ്രസിഡന്റ്‌ സലിം എം.എൻ ഉത്ഘാടനം ചെയ്തു.വൈസ് പ്രസിഡന്റ്‌ ഹരിപ്രസാദ് അദ്ധ്യക്ഷത വഹിച്ച ചടങ്ങിൽ ഫോക്ക് ജനറൽ സെക്രട്ടറി ലിജിഷ്, ട്രഷറർ മഹേഷ്കുമാർ, ചീഫ് പാട്രൺ ജി.വി മോഹനൻ, വനിതാവേദി ചെയർപേഴ്സൺ രമ സുധീർ, ബാലവേദി സെക്രട്ടറി അഭയ് സുരേഷ് എന്നിവർ ആശംസകൾ നേർന്ന് സംസാരിച്ചു. പ്രോഗ്രാം കൺവീനർ ഷജിത്ത് നന്ദി പറഞ്ഞു.ഫോക്ക് ഫാഹഹീൽ സോണിലെ ഇരുന്നൂറി ലധികം കലാകാരന്മാരെ അണിനിർത്തിക്കൊണ്ട് അവതരിപ്പിച്ച ഓർമിക്കാൻ ഒരു ഓണം എന്ന നൃത്ത,സംഗീത,ദൃശ്യ വിരുന്നു നാട്ടിലെ ഓണാ ഘോഷങ്ങളുടെ ഗൃഹാതുരമായ ഓർമ്മകൾ നൽകിയ വേറിട്ടൊരു അനുഭവമായിരുന്നു. ഓണാഘോഷത്തോട് അനുബന്ധിച്ച് എഴുന്നൂറി
ലധികം ആളുകൾക്ക് രുചിയേറിയ ഓണസദ്യ വീടുകളിൽ എത്തിച്ചു നൽകിയിരുന്നു.
ഫോക്ക് കുവൈറ്റ് – ഫാഹഹീൽ സോൺ, e – ഓണം പൊന്നോണം 2021 സംഘടിപ്പിച്ചു
